Aqto‘be shahridagi pensionerlar endi jamoat transportida bepul yuradi. Hozirda hujjatni tasdiqlash uchun taklif kiritilgan. Bu haqda “Kazinform” xabar berdi.

Aqto‘be viloyatida urush qatnashchilari va 1-guruh nogironlari avtobusda bepul yurish huquqiga ega. Endilikda boshqa toifadagi nogironlar va pensionerlar ham bepul yurishlari mumkin bo‘ladi. Bu haqda Aqto‘be viloyati hokimi Asxat Shaxarov ma’lum qildi.

– “Hozir jamoat transporti yaxshi rivojlanmoqda. Yaqinda 30 ta avtobus olib kelindi. Yana 4 ta muassasa 65 ta avtobus sotib olish uchun ariza topshirgan. Shunday qilib, bizda transport sohasida 90-95 foiz zamonaviylashgan sharoit yaratish imkoniyati mavjud. Bungacha faqat ayrim toifadagi odamlar bepul yurish imkoniga ega edi. Endilikda nogiron fuqarolar va pensionerlar jamoat transportida bepul yurishlari mumkin bo‘ladi. Bu byudjet tomonidan qoplanadi. Tez orada shahar hokimligi tekshiruv o‘tkazib, tegishli hujjatlarni tartibga soladi”, – dedi u.

• Nogironlik
• Qozog‘iston
• pensioner