Checheniston rahbari Ramzan Qodirovning 17 yoshli o‘g‘li uylandi. Qayd etilishicha, Ahmat Qodirov va uning rafiqasini 87 mashina korteji kuzatib borgan.

Ular orasida: “Bugatti Chiron”, “Rolls-Royce”ning 25 ta turli modellari, 45 xil turdagi “Mercedes-AMG G 63” va bir nechta “Mercedes-AMG GLE” avtomobillari bo‘lgan.

Xabarlarga ko‘ra, to‘y va kortejni suratga olish hamda internetda tarqatish taqiqlangan. Faqatgina xonanda Timati mehmon sifatida ishtirok etib, lavhalarni “Instagram”ga joylashtirgan va ba’zi bir yashirin suratga olingan yuqoridagi kabi videolar ijtimoiy tarmoqlarda ommalashgan.

Chechenistonning yuqori martabali amaldorlari oila a’zolari ishtirokidagi marosimlar har doim keng miqyosda o‘tkaziladi. Biroq Qodirov o‘g‘lining to‘y korteji o‘zgacha dabdaba bilan barchani hayratda qoldirdi.

• Ramzan Qodirov