37°
Kechasi 24°
Kecha, 25-yanvar kuni elektr ta’minotida uzoq davom etgan uzilish sababli, “O‘zbekneftgaz” AJning “Gazli”, “Sho‘rtan” va “Muborak” neft-gaz qazib olish boshqarmasiga qarashli 64 ta konning ishi vaqtincha to‘xtatilgan edi.
Bu, o‘z navbatida, “O‘ztransgaz” AK magistral gaz quvurlari va “Hududgazta’minot” AJ mahalliy tarmoqlarida bosimning pasayishiga ta’sir ko‘rsatgan.
Hozirda Farg‘ona vodiysi, Surxondaryo va Toshkent viloyatlarining bir qator tumanlari hamda Toshkent shahrida tabiiy gazni yetkazib berishda bosimning pasayishi yoki uning yo‘qligi kuzatilmoqda.
“Hududgazta’minot” AJ bosimni tiklash va iste’molchilarga tabiiy gaz yetkazib berish bo‘yicha barcha zarur choralar ko‘rilayotganini ma’lum qildi.
“Gaz yetishmasligi yoki uni yetkazib berish paytida bosim pasaygan manzillarda gaz ishlatiladigan barcha jihozlarni o‘chirib qo‘yish va binolarda gaz hidi yo‘qligini tekshirish kerak”, – deyiladi Jamiyat xabarida.
Aholidan zarurat bo‘lganida, 104 raqami orqali call-markazga yoki 1104 raqami orqali favqulodda dispetcherlik xizmatiga qo‘ng‘iroq qilishlari so‘ralmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
