2022-yil 29-aprel kuni Rossiya Banki Direktorlar kengashi asosiy stavkani yillik 14 foizga kamaytirish haqida qaror qabul qildi.

“Rossiya iqtisodiyoti uchun tashqi muhit qiyin bo‘lib qolmoqda va bu iqtisodiy faoliyatni sezilarli darajada cheklamoqda. Narxlar va moliyaviy barqarorlik uchun xavflar o‘sishi to‘xtadi. Bu esa asosiy stavkani pasaytirish uchun sharoit yaratdi. Oxirgi haftalik maʼlumotlar rublning mustahkamlanishi va isteʼmolchi faolligining sovishi tufayli narxlarning hozirgi o‘sish surʼati sekinlashishiga ishora qilmoqda”, – deb yozmoqda Rossiya Banki.

Eslatib o‘tamiz, Rossiya Markaziy banki asosiy stavkani joriy yil 28-fevral kuni birdaniga 20 foizgacha ko‘targan va bu 11-aprelga kelib 17 foiz (-3 foiz) etib belgilangan edi.

• Asosiy stavka
• Markaziy bank
• Rossiya