Rossiya Prezidenti ma’muriyati rahbarining birinchi o‘rinbosari Sergey Kiriyenko sanksiyalar ostida qolgan madaniyat arboblarini qo‘llab-quvvatlash uchun 1 milliard rubl ajratilishini aytdi. Bu haqda TASS xabar berdi.

“Yaqin kunlarda grantlarning ikkinchi to‘lqiniga arizalar qabul qilishni boshlaymiz. Joriy arizalar soni keskin ko‘paygani uchun bosim ostida qolgan ijodiy jamoalarni qo‘llab-quvvatlash, ularni xalqaro faoliyat bilan bog‘liq mablag‘ manbalaridan mahrum qilish zarur. Ularga 1 milliard rubl ajratish to‘g‘risida qaror qabul qilindi”, – dedi Kiriyenko.

Ma’lum qilinishicha, ushbu mablag‘ rus madaniyatining o‘ziga xosligi, an’anaviy ma’naviy-axloqiy qadriyatlari” bilan bog‘liq loyihalarni qo‘llab-quvvatlash, shuningdek, sanksiyalar ostida qolgan madaniyat arboblarini qo‘llab-quvvatlash uchun ishlatiladi.

Unga ko‘ra, arizalar bo‘yicha qaror aprel-may oylarida qabul qilinadi.

Qayd etish mumkin, joriy yilning 27 mart kuni Ukraina Madaniyat va axborot siyosati vazirligi harbiy amaliyotni qo‘llab-quvvatlagani aytilayotgan rossiyalik qo‘shiqchi, musiqachi va aktyorlarni sanksiyalar ro‘yxatiga kiritgan. 

“Qora ro‘yxat”dan qo‘shiqchilar – Nikolay Baskov, Dima Bilan, Polina Gagarina, Oleg Gazmanov, Larisa Dolina, Sergey Jukov, Grigoriy Leps, Nikolay Rastorguyev va Timati (Timur Yunusov); aktyorlar – Dmitriy Xaratyan, Vladimir Mashkov, Marat Basharov, Yana Poplavskaya, Dmitriy Pevsov va rejissyor Nikita Mixalkov ismlari qayd etilgan.

• Rossiya
• San’at
• Ukraina