112 kundan buyon Ukrainada urush davom etib kelmoqda. Kecha Dmitriy Medvedev Yer yuzida Ukraina degan davlat ikki yildan keyin mavjud boʻlishiga shubhalanayotganini aytdi.

Ukraina Qurolli kuchlari general-mayori Dmitriy Marchenkoning aytishicha, Ukraina Gʻarb vaʼda qilgan qurollarni olgandan soʻng Qrim koʻprigi birinchi nishonga aylanadi.

Ushbu maqolada Rossiya Ukraina oʻrtasida kechayotgan urushning 112 kuni asosiy voqealari va fotosuratlarini toʻpladik.

Ukraina qurolli kuchlari birlashgan operatsiyasi oʻtgan sutka ichida erishilgan natijalar haqida quyidagicha maʼlumot bermoqda:

Shaxsiy tarkib 34 nafar, 1 ta BMP, 1 ta BTR, 3 ta artilleriya tizimi, 2 ta birvarakayiga oʻt ochish reaktiv tizimi, 2 ta oʻq-dori ombori yoʻq qilingan.

Havo hujumidan mudofaa boʻlinmalari Donbass osmonida 3 ta “Orlan-10” tipidagi pilotsiz uchar qurilmani urib tushirgan.

Rossiya Mudofaa vazirligining maxsus vakili Igor Konashenkovning brifingida quyidagi ma’lumotlarni e’lon qildi.

Yuqori aniqlikdagi raketalar bilan tirik kuch va texnikalarning 11 ta nuqtasi, 8 ta artilleriya oʻt ochish nuqtasi, 3 ta birvarakayiga oʻt ochish reaktiv tizimi yoʻq qilingan.

Tezkor-taktik aviatsiya tomonidan Ukraina QK tirik kuch va texnikalarning 101 ta nuqtasi, 3 ta boshqaruv punkti, 350 dan ortiq askari, 13 ta tank, 6 ta “Grad” birvarakayiga oʻt ochish reaktiv tizimi, 14 ta dala artilleriyasi uskunalari, 22 ta maxsus avtomobil yoʻq qilingan.

Rossiya havo hujumidan mudofaa tizimi Ukrainaning MiG-29 samolyoti, Mi-24 vertolyoti, 9 ta pilotsiz uchar qurilmasi, 1 ta ballistik raketasi, “Smerch” birvarakayiga oʻt ochish reaktiv tizimining 14 ta snaryadi urib tushirilgan.

Raketa qoʻshinlari va artilleriya tomonidan Ukraina QKning 18 ta boshqaruv punkti, tirik kuchlar va harbiy texnikasi jamlangan 280 ta nuqtasi, artilleriya boʻlinmalarining 59 ta oʻt ochish pozitsiyalariga zarba berilgan. Zarbalar natijasida yonilgʻi ombori yoʻq qilingan.

Maxsus operatsiya boshlanganidan buyon Ukraina harbiy texnikalaridagi yoʻqotishlar: 202 ta samolyot, 131 ta vertolyot, 1205 ta pilotsiz uchar qurilma, 338 ta zenit raketa majmualari, 3548 ta tank va boshqa jangovar zirhli mashinalar, 521 ta birvarakayiga oʻt ochish reaktiv tizimi qurilmalari, 1947 ta dala artilleriyasi va minomyot qurollari, shuningdek, 3605 birlikda maxsus harbiy avtomobil texnikasi.

• Kiyev
• Rossiya
• Ukraina
• Urush