8-fevral, payshanbaga o‘tar kechasi Rossiya armiyasi Ukraina hududiga, asosan janubiy qismiga yirik hujumlar uyushtirdi. Odessa va Nikolayevda portlashlar qayd etilgan. 14 ta hududda havo hujumi haqida ogohlantirish e’lon qilingan.

Odessaga tungi dron hujumi natijasida fuqarolik infratuzilmasi shikastlangan, qurbonlar va jarohatlanganlar yo‘q, degan viloyat harbiy ma’muriyati rahbari Oleg Kiper.

“Dushmanning dron zarbasi natijasida qurilishi tugallanmagan ko‘p qavatli bino vayron bo‘lgan, deraza oynalari singan. Ta’lim muassasasi binosi ham shikastlangan – tomi, shiftlari singan, oynalari singan. Yong‘in aniqlanmadi”, — degan Kiper.

Uning so‘zlariga ko‘ra, dronlarning katta qismi havo hujumidan mudofaa bo‘linmalari tomonidan urib tushirilgan. “Barcha tegishli xizmatlar ishlamoqda. Huquq-tartibot idoralari xodimlari rossiyaliklar tomonidan sodir etilgan navbatdagi jinoyat oqibatlarini qayd etishmoqda”, — deya qo‘shimcha qilgan u.

Bundan tashqari, Nikolayevga hujumlar haqida xabar berilgan.Hujum natijasida xususiy sektorda yong‘in sodir bo‘lgan, voqea joyida favqulodda xizmatlar ishlamoqda. Nikolayev oblasti harbiy boshqarmasi boshlig‘i Vitaliy Kimning so‘zlariga ko‘ra, qurbonlar yo‘q.

• Qurbon
• dron