Ma’lumotlarga ko‘ra, Rossiyaning Krasnodar viloyatida “Vagner” guruhining sobiq rahbari Yevgeniy Prigojinga haykal qo‘yildi. Bu haqda “The Moscow Times” nashri xabar berdi.

Manbaga ko‘ra, Rossiyaning janubidagi Krasnodar o‘lkasida “Vagner” yollanma guruhining marhum asoschilaridan Yevgeniy Prigojin va Dmitriy Utkin haykali ochilgan. Yodgorlikning rasmiy ochilishi 5-aprel kuni bo‘lib o‘tgan.

“Vagner”ning Telegram kanalida aytilishicha, haykal Goryachiy Klyuch kurort shaharchasidagi yollanma askarlar guruhi ibodatxonasi oldida o‘rnatilgan.

“Vagner” va uning jangchilari Prigojin Rossiya harbiy rahbariyatiga qarshi qo‘zg‘olon sodir etganidan keyin Rossiya qurolli kuchlari nazorati ostidagi bo‘linmalarga o‘tkazilgan edi. Sobiq rahbar Yevgeniy Prigojinning o‘zi esa avgust oyida yaqin sheriklari bilan Kreml tomonidan uyushtirilgan samolyot halokatida vafot etgan.

Shuningdek, Goryachiy Klyuch munitsipal hokimiyati dastlab Rossiya ommaviy axborot vositalariga haykalni o‘rnatishga ruxsat berilmasligini maʼlum qilgan. Keyinchalik bu qaror o‘zgartirilgani aytilgan.

• Prigojin
• Putin
• Rossiya