Ijtimoiy tarmoqlarda rossiyalik bloger Ilya Varlamov Toshkentdan Samarqandga qatnaydigan poyezddagi sharoitni tanqid qilgan edi. Holat yuzasidan “O‘zbekiston temir yo‘llari” AJ rasmiy munosabat bildirdi.
Qayd etilishicha, ko‘rsatilgan kamchiliklar yuzasidan ushbu sanada xizmat vazifasini olib borgan vagon kuzatuvchilari va poyezd boshlig‘iga qat’iy intizomiy jazo qo‘llanilgan va yo‘lovchi poyezdlarda xizmat ko‘rsatish qoidalari haqida qayta ko‘rsatmalar berib o‘tilgan.
Hozirgi kunda barcha yo‘nalishlar harakati davomida yo‘lovchilarga sifatli xizmat ko‘rsatishini tekshirish maqsadida ishchi guruh qo‘shimcha faoliyatini boshlagan.
Munosabatda aytilishicha, videolavhada aytib o‘tilgan yo‘nalishning chipta narxi 100 AQSh dollaridan oshiqligi haqiqatga to‘g‘ri kelmaydi, sayyoh mazkur yo‘nalish uchun chiptani Rossiya Federatsiyasining “RJD” saytidan elektron tarzda 4213,9 rublga rasmiylashtirgan. Mazkur vagon lyuks toifasida bo‘lib, 4 ta kupedan iborat va faqat 8 ta yo‘lovchi uchun xizmat ko‘rsatadi. Ushbu yo‘nalish chipta narxi 385 980 so‘m hisoblanadi.
Shuningdek, fuqarolardan o‘z tasdig‘ini topmagan ma’lumotlarga ishonmaslik so‘ralgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!