Yevropa aeroportlari kengashi (ACI Europe) ma’lumotlariga ko‘ra, Samarqand aeroporti yo‘lovchi tashish hajmining o‘sish sur’ati bo‘yicha uchinchi o‘rinni egalladi. Bu haqda Ekologiya, atrof-muhitni muhofaza qilish va iqlim o‘zgarishi vazirligi huzuridagi Turizm qo‘mitasi xabar berdi.

Qayd etilishicha, ACI EUROPE o‘zining Yevroosiyo aeroportlaridagi yo‘lovchilar oqimi haqida ma’lumot beruvchi yillik hisobotini e’lon qildi.

2023-yil yakunlariga ko‘ra, Samarqand aeroporti o‘z sinfida – yiliga 100 mingdan 1 million yo‘lovchiga xizmat ko‘rsatishda uchinchi o‘rinni egalladi. O‘sish 2019-yilning shu davriga nisbatan 109,8 foizni tashkil etdi.

2023-yil boshida aeroport o‘z tarixida birinchi marta 1 million chegaradan oshib, 1 010 938 nafar yo‘lovchiga xizmat ko‘rsatdi, bu 2022-yilga nisbatan 104,9 foizga yoki 517 521 nafar yo‘lovchiga ko‘pdir.

• Aeroport
• Samarqand
• yo‘lovchi