Samarqandda 2,2 mlrd so‘m kredit mablag‘larini o‘zlashtirgan MCHJ rahbari aniqlandi. Bu haqda Iqtisodiy jinoyatlarga qarshi kurashish departamenti xabar berdi.
Qayd etilishicha, Departamentning Urgut tuman bo‘limi tomonidan tergovga qadar tekshiruv o‘tkazilgan. Unda “Z.B.” MCHJ rahbari R.E. aholini sifatli oziq-ovqat mahsulotlari bilan ta’minlash maqsadida bank muassasasidan 2,2 mlrd so‘m imtiyozli kredit olgan. Ammo kartoshka mahsulotini import qilmasdan ushbu mablag‘larni o‘zlashtirib, talon-toroj qilgan. Shuningdek, 497,9 mln so‘m soliqlarni to‘lashdan bo‘yin tovlaganligi ham aniqlangan.
Hozirda mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) va 184-moddasi (soliqlar yoki yig‘imlarni to‘lashdan bo‘yin tovlash) bilan jinoyat ishi qo‘zg‘atilib, tergov harakatlari o‘tkazilmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!