2024-yil 5-dekabr kuni Samarqandda “Islom hamkorlik tashkilotiga a’zo davlatlarning barqaror rivojlanishi uchun atom energiyasidan tinch yo‘l bilan foydalanish istiqbollari: xalqaro va milliy tajriba” mavzusida xalqaro konferensiya bo‘lib o‘tadi.

Tadbirni Prezident administratsiyasi, O‘zbekiston Respublikasi Vazirlar Mahkamasi va Vazirlar Mahkamasi huzuridagi atom energiyasi agentligi tashkil etadi.

Konferensiyada hukumat vakillari, Oliy Majlis deputatlari, davlat organlari xodimlari, olimlar, xususiy sektor va davlat kompaniyalari vakillari hamda atom energetikasi sohasidagi yetakchi mutaxassislar ishtirok etadi.

Ishtirokchilar xalqaro hamkorlik masalalarini muhokama qiladilar va atom energiyasidan xavfsiz foydalanish bo‘yicha strategik yondashuvlarni ishlab chiqadilar.

Konferensiyada Islom hamkorlik tashkiloti, Markaziy va Janubiy Osiyo, Rossiya, yaqin Sharq, Yevropa Ittifoqi, AQSh mamlakatlari ekspertlari, shuningdek, IAEA va Jahon yadro assotsiatsiyasi vakillari ishtirok etadi.

• Konferensiya
• Samarqand