Samarqand viloyatining Paxtachi tumanida 8 nafar fuqaro bo‘lgan elektromoped kanalga qulab tushishi oqibatida 4 kishi halok bo‘ldi.

Dastlabki ma’lumotlarga ko‘ra, yuk tashishga mo‘ljallangan transport vositasi haydovchisi boshqaruvni yo‘qotgan. Hodisa vaqtida elektromopedda haydovchining turmush o‘rtog‘i va voyaga yetmagan bolalar ham bo‘lgan.

Qutqaruvchilar va mahalliy aholi tomonidan 4 nafar fuqaro qutqarib qolingan. Holat yuzasidan surishtiruv ishlari olib borilmoqda.