2023-yilning 8-mart kuni soat taxminan 8:00 larda 1985-yilda tug`ilgan fuqaro S.U. mast holda oq rangli Nexia-3 bilan Samarqand shahar Dahbed ko`chasidagi o`quv markazi oldida turgan 2009-yilda tug`ilgan qizga o`zini kirakash deb tanishtirgan va uni uyiga olib borishini aytgan. Erkak qizni aldab, mashinaga o`tirg`izib, uyiga olib bormasdan, boshqa tomonga boshqarib ketgan. Bu haqda Samarqand viloyati IIB Matbuot xizmatining xabar bermoqda.

Voyaga etmagan qiz mashinadan tushib qolmoqchi bo`lganda u mashina eshiklarini qulflab qo`ygan va mashinani Oqdaryo tumani "Boshdarxon" MFY Yangi obod qishlog`igacha boshqarib borib, avtomashinasini shinasi bosimi chiqib ketganligi sababli avtomashinadan tushgan va g`ildiraklariga qarayotgan vaqtida qiz mashinadan tushib, qochib ketib, shu erda bo`lgan fuqarolardan yordam so`ragan.

Holat yuzasidan qizning yaqinlari huquqni muhofaza qilish organlariga ariza bilan murojaat qilgan.

Huquqni muhofaza qilish organlari tomonidan olib borilgan tezkor tadbirlar natijasida S.U. qo`lga olinib, unga nisbatan JKning 137-moddasi (Odam o`g`irlash) 2-qismi "a" bandi bilan jinoyat ishi qo`zg`atilib, gumonlanuvchi prosessual tartibda qamoqqa olingan.

• Odam savdosi
• Samarqand