Saudiya Arabistoning “Al-Hilol” klubi Lionel Messi ismi tushirilgan futbolkalar sotishni boshladi. Klubning yirik do‘konlaridan olingan fotosuratlar ijtimoiy tarmoqlarda tarqaldi va futbol muxlislarining shov-shuvlariga sabab bo‘la boshladi.

Ammo, bu faqatgina shov-shuv ko‘tarish uchun bo‘lishi ehtimoli yuqori. Chunki, yaqinda “Al-Nasr” klubiga o‘tgan Krishtianu Ronalduning azaliy raqibini Saudiya ligasiga kelishi mumkinligini ishora qilib, mazkur jamoaning internetda xabar tarqatishi faqatgina shov-shuv uchungina bo‘lishi mumkin.

Lionel Messining PSJ bilan shartnomasi shu yilning yozida tugaydi. Ishonchli manbalar Leoning Parij klubi bilan yangi shartnoma imzolashi mumkinligi haqida xabar qilishmoqda. PSJ direktori Nosir Al Xelayfi yaqin kunlarda o‘z o‘rnida argentinalik futbolchining ham fransuz klubida baxtli ekanligini ta’kidlab intervyu bergan edi.

• Al-Nasr
• Messi
• PSJ
• Saudiya Arabistoni