35 yoshli hujumchining PSJ bilan shartnomasi yozgacha amal qiladi va u yana bir yilga uzaytirilishi mumkin.
Agar Messi parijliklar bilan shartnomani uzaytirmasa, uni qoʻlga kiritish uchun Saudiya Arabistoni oliy ligasi klublari jiddiy bel bogʻlaydi, deb xabar beradi ESPN.
Saudiya klublari Ronaldu singari Messi ham yiliga 200 million dollardan kam boʻlmagan maosh evaziga arab diyorida oʻynashini istashmoqda.
Mamlakat professional klublariga yetti nafar xorijlik futbolchini roʻyxatdan oʻtkazishga ruxsat berilgan, biroq ligaga koʻproq xorijlik oʻyinchilarni jalb qilish maqsadida bu cheklov sakkiztaga oshiriladi.
ESPN manbalariga koʻra, Saudiya klublari Yevropaning eng yaxshi futbolchilarini qoʻlga kiritishda yordam oladi. Bu aynan qanday yordamligi va uni kim berishi aniqlanmagan.
Oldinroq “Al-Hilol” va “Al-Ittihod” klublari yiliga 350 million yevro evaziga Messini oʻz safiga qoʻshib olishga tayyor ekani haqida xabar berilgandi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!