Iqtisodiy jinoyatlarga qarshi kurashish departamenti xabar berishicha, Bosh prokuratura huzuridagi Departamentning Sergeli tumani bo‘limi tomonidan o‘tkazilgan tezkor tadbirda fuqarolar R.O. (muqaddam sudlangan) va M.R. noqonuniy daromad orttirish maqsadida o‘zaro til biriktirib, fuqaro M.X.ga 500 litr texnik etil spirtini 45 mln so‘mga sotgan vaqtida ashyoviy dalillar bilan ushlanganlar.

Mazkur holat yuzasidan Jinoyat kodeksining 186-1-moddasi (etil spirti, alkogolli mahsulot va tamaki mahsulotini qonunga xilof ravishda muomalaga kiritish yoki ishlab chiqarish) bilan jinoyat ishi qo‘zg‘atilib, tergov harakatlari o‘tkazilmoqda.

• O‘zbekiston
• Sergeli