Ijtimoiy tarmoqlarda Shahrisabzdagi bolnitsada bemorni yaqinlaridan biri pichoq olib odamlarga tashlanayotgani aks etgan video tarqaldi. Holatga Qashqadaryo IIB matbuot xizmati munosabat bildirdi.

Ma’lum bo‘lishicha, 2022-yil 26-iyul kuni soat taxminan 12.30larda Shahrisabz tuman “Ammogʻon” MFYda yashovchi fuqarolar Q.O. va J.A. Shahrisabz tumani Tibbiyot birlashmasi qabul boʻlimi hovlisida janjallashib qolgan. Janjalda Q.O. va J.A.ni bosh sohasiga urib, tan jarohati yetkazgan. Natijada J.A. tuman Tibbiyot birlashmasi Shoshilinch tez yordam boʻlimiga yotqizilgan.

Atrofdagi fuqarolar va hodisa joyiga yetib kelgan profilaktika inspektori tomonidan janjal toʻxtatilib, jamoat tartibi tiklangan.

Hodisa joyi shu kuni tuman IIB tergov tezkor guruhi tomonidan koʻzdan kechirilgan. Tergovga qadar tekshiruv harakatlari davomida janjal ishtirokchilarida oʻtkir tigʻli jism taʼsirida yetkazilgan jarohatlar aniqlanmagan.

Hozirgi kunda mazkur holat boʻyicha Shahrisabz tumani IIB huzuridagi tergov boʻlimi tomonidan Oʻzbekiston Respublikasi JK kodeksining 109-moddasi 2-qismi bilan jinoyat ishi qoʻzgʻatilib, tergov harakatlari olib borilmoqda

• Qashqadaryo
• Qo‘l jangi