O‘zbekiston prezidenti Shavkat Mirziyoyev Qirg‘izistonga davlat tashrifi bilan boradi. Bu haqda matbuot anjumanida tashqi ishlar vazirining o‘rinbosari Nurlan Niyozaliyev ma’lum qilgan.

Uning so‘zlariga ko‘ra, o‘zaro hamkorlikni mustahkamlash ustuvor vazifa hisoblanadi.

“Shuning uchun Qirg‘iziston rahbari Sadir Japarov saylanganidan keyingi birinchi tashriflaridan biri sifatida Toshkentga tashrif buyurdi va Shavkat Mirziyoyevning davlat tashrifi to‘g‘risida kelishuvga erishildi. Diplomatik kanallar orqali muddatlar ishlab chiqilmoqda. Tashkiliy va mazmunli qismlarni ishlab chiqish va O‘zbekiston tomoniga taklif qilmoqchi bo‘lgan bir qator ikki tomonlama shartnomalar, memorandumlar, harakatlar rejasi, investitsiya loyihalari tayyorlanmoqda”, — deya ta’kidladi Nuron Niyozaliyev.

Uning qo‘shimcha qilishicha, muddatlar ikki prezidentning ish jadvaliga ham bog‘liq.

• O‘zbekiston
• Qirg‘iziston
• Sadir Japarov
• Shavkat Mirziyoyev