Davlatimiz rahbari Shavkat Mirziyoyev tibbiyot xodimlarini kasb bayrami bilan tabrikladi, deb xabar qiladi Prezident matbuot xizmati.

“Hurmatli shifokorlar, sizni ajoyib kasb bayramingiz - Tibbiyot xodimlari kuni bilan chin qalbimdan tabriklayman. Barchangizga mustahkam sog‘lik, oliyjanob va mas’uliyatli vazifangizni amalga oshirishda ulkan muvaffaqiyat hamda oilaingizga tinchlik-xotirjamlik tilayman”, - deya qutlaydi Mirziyoyev.

Davlatimiz rahbarining taʼkidlashicha, soʻnggi besh yil davomida sogʻliqni saqlash sohasiga doir 200 dan ortiq qonun hujjatlari qabul qilingan. Ushbu sohani moliyalashtirish hajmi yildan-yilga ortib bormoqda.

Xususan, birgina 2021 yilning o‘zida O‘zbekiston hukumati tibbiyot tizimini qo‘llab-quvvatlash uchun 18 trillion so‘mdan ortiq mablag‘ ajratgan. Bu esa 2016-yilga nisbatan 4 barobar ko‘pdir.

Prezident bayonotiga ko‘ra, kelgusida moliyaviy resurslar sohasini qo‘llab-quvvatlash va rivojlantirishga yo‘naltirilayotgan mablag‘lar hajm ikki baravarga oshiriladi, yaqin besh yil ichida shifokorlarning maoshi 1000 dollarga ko‘tariladi.

Bundan tashqari, birlamchi tibbiy-sanitariya xizmati tomonidan amalga oshirilayotgan tibbiy profilaktika ishlari hamda oilaviy poliklinikadagi shifokorlarning jamiyatdagi rolini oshirishga alohida e’tibor qaratiladi, - deydi Mirziyoyev.

• Prezident