Avval xabar qilinganidek, joriy yilning 15–16-sentyabr kunlari Samarqand shahrida Shanxay hamkorlik tashkiloti sammiti oʻtkaziladi.
Mazkur katta voqelikka tayyorgarlik koʻrish barobarida ushbu sammit doirasida oʻtkaziladigan xalqaro darajadagi koʻrgazmaga ham qizgʻin hozirlik koʻrilmoqda.
Xususan, Turizm va madaniy meros vazirligi loyihasi asosida amalga oshirilayotgan plenerda bir qator chet-el mamlakatlaridan tashrif buyurgan taniqli, iqtidorli rassomlar “Ipak yoʻli” Xalqaro turizm va madaniy meros universiteti studiyalarida Samarqand va Buxoro shaharlarini oʻzlarining sanʼat asarlarida aks ettirishadi.
Maʼlum qilinishicha, tajribali rassomlardan iborat ilk delegatsiya Rossiya, Tojikiston, Qozogʻiston, Qirgʻiziston kabi MDH mamlakatlaridan tashrif buyurgan boʻlsa, endi Hindiston, Pokiston, Yaponiya kabi Osiyoning janubiy va sharqiy hududlaridan, Italiya, Ispaniya, Germaniya singari Yevropa qitʼasi mamlakatlaridan ham taniqli rassomlar plenerda ishtirok etish uchun Oʻzbekistonga kelishi rejalashtirilgan.
Qayd etish mumkin, ShHT sammiti doirasida oʻtkaziladigan xalqaro koʻrgazmada namoyish etiladigan surʼatlarda Oʻzbekistonning tarixiy, diqqatga sazovor hududlarida joylashgan madaniy meros obyektlari, azaliy qadriyatlari, tarixini, urf-odatlari aks etadi.
Keyinchalik esa, taqdim etilgan asarlar tomoshabinlarni oʻzbek xalqining noyob tarixiy va madaniy merosi, shuningdek, ShHT mamlakatlarining oʻziga xos zamonaviy tasviriy sanʼati bilan tanishtirish maqsadida shu yilning sentyabr oyida, ShHT sammiti doirasida tashkil etiladigan xalqaro koʻrgazmada namoyish etiladi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!