“Baza” xabar berishicha, “Lenta” nashrida faoliyat yuritgan rossiyalik jurnalist Inessa Papernaya Toshkent shahridagi mehmonxonalardan birida o‘lik holda topilgan.

Manbaning xabar berishicha, jurnalist O‘zbekistonga dam olish uchun kelgan. U hamrohi bilan “Karaman Palace” mehmonxonasiga joylashgan. 

Dastlabki taxminlarga ko‘ra, marhumlar ventilyatsiya tizimiga kirib qolgan gazdan zaharlangan.

Bosh prokuratura matbuot kotibi Hayot Shamsutdinovning ma’lum qilinishicha, 47 yoshli rossiyalik jurnalist Inessa Papernaya va yana ikki shaxsning o‘limi yuzasidan jinoiy ish ochilgan.

Jabrlanuvchilar o‘limining aniq sabablarini aniqlash uchun sud-tibbiy ekspertiza tayinlangan.  

Hozirda tergov harakatlari olib borilmoqda.

• Mehmonxona
• jurnalist