Tanaga quvvat beradi, uning chidamliligini oshiradi. Buning uchun termosga 1 oshqoshiq na’matak mevalardan solib, uni ustiga qaynab turgan suv qo‘shib, kechasiga damlab qo‘yiladi. Ertalab suzib olinadi-da, keyin kuniga damlamadan 3 mahal taomdan yarim soat oldin yarim piyoladan ichiladi.

O‘t qopi og‘riganda, na’matakni damlab ichish yaxshi yordam beradi. Sovuq oshib ketmasligi uchun unga turshak va novvot qo‘shish lozim. Na’matak mevasidan har kuni 3-4 dona yeyish miya tiqilmalarini ochib, uni quvvatlantiradi. Na’matakli choy og‘iz qurishining oldini oladi.

Na’matakli damlama uyqusizlikda yaxshi yordam beradi. Buning uchun 1 oshqoshiq quritilgan na’matak mevasi 1 stakan qaynoq suvda damlanadi va 1 soat davomida termosda saqlanadi. Damlama uyquga yotishdan oldin ichiladi.

Mirzamir Mirzasharipov, dorishunos.
Manba: “Shifo-info” gazetasi.

• Foydali
• Lifestyle
• Tavsiya
• salomatlik
• xalq tabobati