Slovakiya Ukrainaga ikkita “Zuzana-2” o‘ziyurar gaubitsasini topshirdi.

Gaubitsalar Slovakiyaning “Konstrukta-Defence” davlat kompaniyasi tomonidan Ukraina qurolli kuchlariga qurol yetkazib berish bo‘yicha shartnoma asosida ishlab chiqarilgan.

Mamlakat armiyasi hozirgacha oltita shunday qurolga ega va shartnoma yana ikkita “Zuzana-2” gaubitsasini yetkazib berishni nazarda tutadi.

Bundan tashqari, “Konstrukta-Defence”Germaniya, Daniya va Norvegiya homiylik qiladigan 92 million yevrolik loyiha doirasida Ukraina uchun 16 ta Zuzana 2 gaubitsasini ham tayyorlaydi.

Tegishli shartnoma 2-oktyabr kuni Kopengagenda Slovakiya va Daniya mudofaa boshliqlari tomonidan imzolangan.

Ma’lumot uchun, “Zuzana-2” 155 mm o‘ziyurar gaubitsa 40 kilometrgacha bo‘lgan masofadagi nishonlarga zarba bera oladi. Shuningdek, Gaubitsa Slovakiya armiyasida bir yildan beri xizmat qilmoqda.

• AQSh
• Rossiya
• Ukraina
• slovakiya