Giyohvandlik va kuchli ta’sir qiluvchi dori vositalarining noqonuniy muomalasi bilan shug‘ullanib kelayotgan shaxslar va jinoiy guruhlar faoliyatiga chek qo‘yish maqsadida jami 653 ta maxsus tadbirlar o‘tkazilgan.

O‘tkazilgan tadbirlar davomida jami 112 kg 257 gr giyohvandlik vositalari (geroin, opiy, gashish, sintetik turdagi giyohvandlik vositalari) hamda 8601 dona kuchli ta’sir qiluvchi dori vositalarining aholi orasida tarqatilishi to‘xtatib qolingan. Giyohvandlik vositalarining noqonuniy muomalasidan olingan 287 ming 460 AQSh dollari va 569 million so‘m miqdoridagi pullar daliliy ashyo sifatida rasmiylashtirilgan.

Qo‘zg‘atilgan 222 ta jinoyat ishlari doirasida 228 nafar shaxslar jinoiy javobgarlikka tortilgan. Yana 64 nafar shaxslar esa ma’muriy javobgarlikka tortilgan. 47 nafar qidiruvdagi shaxslar ushlangan. 357 nafar shaxslar bilan profilaktik suhbatlar o‘tkazilib, 231 nafari rasmiy ogohlantirilgan.

Shuningdek, keng ko‘lamli tadbirlari doirasida 175 ta “tig‘”, 58 ta “bita”, 24 ta “kastet” va 77 ta qurol olingan.

Kriminogen vaziyatni barqarorlashtirish borasidagi tezkor tadbirlarni boshqa yo‘nalishlarda ham davom ettirish rejalashtirilgan.

• DXX
• Giyohvandlik
• IIV
• Jinoyat
• Ogohlantirish
• Qurol
• tadbir