Bollivud go‘zallari har doim tashqi ko‘rinishi va ayniqsa ajoyib sochlari bilan o‘ziga jalb qiladi. Hindistonlik qizlar sochlarining uzunligi va jilosi uchun foydalanadigan eng mashhur retseptlarni sizga taqdim etamiz.

1. Aloe o‘simligining suyuqligidan foydalaning.
Uyingizda parvarish qiladigan tuvak gullari ichida aloe bo‘lishini tavsiya qilamiz. Chunki bu o‘simlikning mingta noyob xususiyati bor. Bu o‘simlikning suvi sochingizni tezroq o‘stirishga va bosh terisini sog‘lom qilishga yordam beradi.

Aloe yaprog‘idan bir juftini kesib oling.
Suvini soch ildizlariga, bosh terisiga surting. Hamda massaj qiling. Bu bosh terisida qon aylanishini yaxshilaydi va yaxshiroq so‘rilishni ta’minlaydi.

Niqobni boshingizda bir necha soat qoldiring.

2. Pantenol niqobidan foydalaning.
D-pantenol sintetik vitamin B5 bo‘lib, o‘zining regenerativ xususiyatlari bilan mashhur. Shuningdek, u soch follikulalarini tiklaydi va soch to‘kilishini oldini oladi. Ushbu komponent Nioxin soch mahsulotlariga kiritilganligi bejiz emas.

Sochingizni yuvgandan so‘ng, pantenolni sochingizning butun uzunligi bo‘ylab surting. Pantenolni dorixonada sotib olish mumkin.

3. Sochingizni sovuq suv bilan yuving.
Iloji boricha sochlaringizni yuvishda qaynoq suvlardan emas, iliq va hatto sovuq suvdan ham foydalanib turing. Negaki, sovuq suv boshdagi qon aylanishini yaxshilaydi hamda sochlarning tezroq o‘sishiga yordam beradi.

Sochlaringizni shampun bilan yuvgach biror konditsioner yoki niqobni qo‘llashni unutmang.

4. Olma sirkasidan foydalaning.
Soch follikulalarini faollashtirish uchun oyiga bir necha marta sirka qo‘llash kifoya. Buning uchun sochingizni yuvgandan so‘ng sochlaringizga konditsioner o‘rniga sirka surting.

5. Proteinli niqob tayyorlang.
Protein tanqisligi bilan kurashish uchun sizga ikki dona tovuq tuxumi yetadi. Tuxumlarning oqlarini ajratib oling, ko‘pik paydo bo‘lguncha aralashtiring va bosh terisiga surting, ildizlarda massaj qiling.

Bu niqoblar tufayli sochingiz sezilarli darajada o‘sishi va jilovlanishi aniq. Negaki, hammasi tabiiy mahsulotlardan foydalangan holda tayyorlanadigan muolaja niqoblaridir.

• Go'zallik
• salomatlik