Artur Konan Doylning mashhur asari asosida shu paytga qadar ellikdan ziyod filmlar, seriallar suratga olingan. Biroq so‘ngi yillarda ushbu filmni sahnalashtirish kamaydi. Kino ixlosmandlarini detektiv sahnalar bilan o‘ziga jalb etgan so‘ngi filmlarda kimlar ishtirok etgan?

Jeyms D’Arsi

Amerika, Ruminiya, Buyuk Britaniya mamlakatlarida suratga olingan “Sherlok Xolms: Yovuzlik ishi” filmi 2002-yilda ekranlarga chiqqan. Filmda bosh rolni ingliz aktyori Jeyms D’Arsi ijro etgan. Unda asosiy qahramon Sherlok Xolmsning turli jinoyatlarning boshida turuvchi Moriartiga qarshi kurashi aks etgan.

Rupert Everet

“Sherlok Xolms va ipak paypoq ishi” filmi 2004-yilda ekranlarga chiqqan va ko‘pchilikka birdek manzur bo‘lgan. Bosh rolni yana bir ingliz aktyori Rupert Everet ijro etgan. Film Angliya va AQSh mamlakatlarida suratga olingan.

Robert Dauni

Amerikalik mashhur aktyor Robert Dauni 2009-yilda Sherlok Xolms roliga munosib ko‘riladi. Ushbu film hozirga qadar o‘zining tomoshabopligini yo‘qotmagan. Film 2010-yilda “Oltin globus” mukofotini qo‘lga kiritadi. Kartina jami to‘rtta davlatda: Amerika, Buyuk Britaniya, Germaniya, Avstraliyada suratga olingan.

Gari Piker

Film nafaqat AQSh va ingliz mamlakatlarida, balki, Ispaniyada ham sahanalashtirilgan. 2012-yilda suratga olingan “Sherlok Xolms va doktor Uotson: Madrid kunlari” filmi Ispaniyada suratga olingan. Bosh rolni Gari Piker ijro etgan. Unda ikkala detektivning Ispaniyaga qilgan sayohati tasvirlangan.

Robert Dauni

Bir qator muvaffaqiyatlardan so‘ng, 2011-yilda Robert Dauni ijrosidagi ikkinchi kartina “Sherlok Xolms va soyalar o‘yini” filmi ekranlarga chiqdi. Filmda asosiy qahramonlar o‘zgarmadi. Shuningdek, tomoshabinlar kutiganidek qiziqarli bo‘ldi.

Ian MakKellen

O‘sha paytda 76 yoshda bo‘lgan Ian MakKellen “Janob Xolms” filmida asosiy qahramon rolini ijro etdi. 2015-yilda taqdim qilingan ushbu filmga yanada yangi obrazlar qo‘shilgan. Kartina Buyuk Britaniyada suratga olingan.

Benidkt Kamberbetch

Zamonaviy Sherlok Xolms obrazini 2017-yilda to‘liq taqdim qilingan “Sherlok” filmida ko‘rishingiz mumkin. Loyiha ijodkorlari serial tarzida voqealarni to‘rtta mavsumga ajratdi. Natijada film uchun 2010-yilda boshlangan harakat 2017-yilga qadar davom etdi. Filmda Sherlok Xolmsning yovuz jinoyatchi Jeyms Moriartini qanday mag‘lub etgani va o‘z opasiga qarshi kurashgani tasvirlangan. Bosh rolni o‘zgacha mahorat bilan ingliz aktyori Benidikt Kamberbetch ijro etgan.

Ro‘zmatov Yo‘ldashboy tayyorladi.

• Foydali
• Kino
• Serial
• aktyor
• fakt
• qiziqarli