“Sony”, “Disney” va boshqa Amerika studiyalari Rossiyaga qaytish yo‘llarini izlayotgan bo‘lishi mumkin. Bu haqda Kinoteatrlar assotsatsiyasi raisi Aleksey Voronkov ma’lum qildi.

“Na “Disney”, na “Sony”, na boshqa bir studiyalar Rossiya bilan hamkorlik qilayotganini ochiq e’lon qila olmaydi. Ammo ularning ko'pchiligi Rossiya bozoriga qaytish variantlarini qidirmoqda", - dedi Voronkov.

Iyul oyi boshida Kinoteatrlar assotsatsiyasi aʼzosi Roman Isaev xorijiy filmlarni namoyish etish boʻyicha davlat kinokompaniyasi tashkil etishni taklif qilgan edi.

Iyun oyining oxiriga kelib, Rossiyada ishlayotgan kinoteatrlar soni keskin kamaydi. Bu Gollivud kompaniyalarining Rossiya bozorini tark etishi bilan bog‘liq.

2022-yil mart oyida Gollivudning yirik kompaniyalari – “Universal”, “Warner Bros.”, “Disney”, “Sony” va “Paramount” oʻz filmlarini Rossiyada tarqatishni toʻxtatishlarini eʼlon qilishgan edi.

• Disney
• Kino
• Rossiya
• Sony