SpaceX kompaniyasi o‘ta og‘ir Starship raketasini uchirish uchun uzoq kutilgan ruxsat olganini eʼlon qildi. Bu haqda O‘zbekiston Respublikasi kosmik tadqiqotlar va texnologiyalar agentligi xabar berdi.

Starshipning birinchi orbital sinovi 20 aprel kuni bo‘lib o‘tdi. Dvigatel bo‘linmasidagi yong‘in tufayli u avariya bilan yakunlandi, bu esa bir qator dvigatellarning ishdan chiqishiga olib keldi. Shu sababli ulkan raketa bor-yo‘g‘i 39 km masofani bosib o‘tishga muvaffaq bo‘ldi, shundan so‘ng u boshqaruvni yo‘qotib, nazoratsiz aylana boshladi va qulab tushdi.

Starship yo‘qolishidan tashqari SpaceX yana bir muammoga duch keldi: uchirish maydonchasi sezilarli darajada shikastlangan. Uning beton asosida tom maʼnoda ulkan krater hosil bo‘lgan. Shikastni bartaraf etish uchun kompaniya muhandislariga bir necha oy kerak bo‘ldi.

Sentyabrga kelib SpaceX mutaxassislari Starshipning yangi nusxasini yig‘ishdi va uchirish maydonchasida bir qator sinovlarni o‘tkazib, tez orada yangi parvozni amalga oshirishga tayyor ekanliklarini eʼlon qilishdi. Biroq, buning uchun kompaniyaga AQSH Federal Aviatsiya boshqarmasi (FAA) ruxsati kerak edi.

Natijada SpaceX va FAA qarama-qarshiliklarni bartaraf etishga muvaffaq bo‘ldi va kompaniya Starshipni yana ishga tushirishga ruxsat oldi. U joriy yilning 17 noyabrga belgilangandi. O‘ta og‘ir raketa kompaniyaning Texasdagi Starbase sinov maydonchasidan uchirilgan.

Yangi Starship parvozi birinchi sinov jadvaliga muvofiq amalga oshiriladi. Agar hammasi yaxshi bo‘lsa, Super Heavy kuchaytirgich ajratilgandan so‘ng qisman qaytish manevrini amalga oshiradi va Meksika ko‘rfaziga qo‘nadi. Starshipning o‘ziga kelsak, u past Yer orbitasiga chiqish va Yer atrofida to‘liq bo‘lmagan orbita qilish uchun yetarli tezlikni rivojlantiradi. Gavayi orollari hududida kema dvigatellarini ishga tushiradi va atmosferaga kiradi, shundan so‘ng Kauay orolining shimoli-g‘arbiy qirg‘og‘idan 100 km uzoqlikda okeanga qo‘nadi.

• Koinot
• Raketa