Buxoroda 1000 evazigatibbiyot texnikumiga o‘qishga kiritib qo‘yishni va’da qilgan ayol ushlandi. Bu haqda viloyat IIB matbuot xizmati xabar berdi.

Qayd etilishicha, Buxoro shahar “Shodlik” mahallasida yashovchi 1987-yilda tug‘ilgan ayol o‘zganing mulkini aldash va ishonchni suiisteʼmol qilish yo‘li bilan qo‘lga kiritish orqali tekin daromad orttirish maqsadida, go‘yoki o‘zining vakolatli tanishlari orqali o‘zga bir fuqaroni Buxoro shahridagi tibbiyot texnikumiga o‘qishga kiritib qo‘yish evaziga 1000 AQSh dollari talab qilgan.

Shundan so‘ng, joriy yil 1-dekabr kuni Buxoro viloyati huquq-tartibot organlari tomonidan hamkorlikda o‘tkazilgan tezkor tadbir davomida u, “Geofiziklar qo‘rg‘oni” mahallasi hududida talab qilingan pullarni olgan vaqtda ashyoviy dalillar bilan ushlangan.

Mazkur holat yuzasidan O‘zbekiston Respublikasi Jinoyat Kodeksining 168-moddasi 1-qismi bilan jinoyat ishi qo‘zg‘atilib, dastlabki tergov harakatlari olib borilmoqda.

• Buxoro
• Jinoyat
• Pora