O‘zbekiston tashqi ishlar vaziri Baxtiyor Saidov boshchiligidagi delegatsiya rasmiy tashrif bilan Vyetnam poytaxti Xanoy shahriga bordi. Bu haqda O‘zbekiston TIV rahbarining matbuot kotibi Axror Burxanov o‘zining telegram kanalida xabar berdi.

Kun tartibidan qator tashkilotlar rahbarlari bilan muzokaralar va uchrashuvlar hamda O‘zbekiston-Vyetnam biznes-forumi o‘rin olgan.

Bu mamlakatlar o‘rtasida 1992-yilda diplomatik aloqalar o‘rnatilganidan beri O‘zbekiston tashqi ishlar vazirining Vyetnamga ilk tashrifidir.

Shuningdek, Vyetnam TIV ma’lumotiga ko‘ra, tashrif doirasida O‘zbekiston tashqi ishlar vaziri mamlakat oliy rahbariyati bilan uchrashadi, tashqi ishlar vaziri Buy Txan Son bilan muzokaralar o‘tkazadi, shuningdek, vazirlik va idoralar rahbarlari bilan ikki tomonlama hamkorlik masalalarini muhokama qiladi.

• Baxtiyor Saidov
• Tashqi ishlar vazirligi
• Vyetnam