“Disney” kompaniyasi Tom Xenks ishtirokidagi yangi “Pinokkio” filmining treylerini e’lon qildi.

You tube’da Pinokkioning yangi moslashuvi uchun birinchi tizer-treyler chiqdi, unda yog‘och o‘ymakori Geppetto (Karlo ota) rolini Tom Xenks ijro etgan. Film rejissyori Robert Zemekis (“Forest Gamp”, “Kelajakka qaytib”) hisoblanadi.

Kartinada Karlo Kollodining xuddi shu nomdagi ertagi haqiqiy bola bo‘lish uchun hayajonli sarguzashtni boshdan kechirayotgan yog‘och qo‘g‘irchoq haqida hikoya qilinadi.

Filmda Tom Xenksdan tashqari, Jozef Gordon-Levitt, Lyuk Evans, Sintia Erivo, Sheyla Atim va boshqalar ishtirok etgan. “Pinokkio” joriy yilning 8 sentyabr kuni “Disney+”da premyera qilinadi.

Tomas Jeffri Xenks 1956 yil 9 iyulda Kaliforniya shtatining Konkord shahrida tug‘ilgan. U aktyor, prodyuser, rejissyor, ssenariynavis sifatida shuhrat qozongan.

Xenks dramatik aktyor sifatida tan olinishidan avval televideniye va komedik filmlarda aktyorlik faoliyatini boshladi. “Filadelfiya” (1994) va “Forrest Gamp” (1995) filmlaridagi bosh rollari uchun “eng yaxshi aktyor” nominasiyasida ketma-ket ikki marta “Oskar” mukofotini qo‘lga kiritgan va shu tariqa kino tarixida ushbu mukofotni ikki bor qo‘lga kiritgan ikki aktyordan biriga aylandi (Spenser Treysi bilan birga).

• Forrest Gamp
• Kino
• Pinokkio
• Tom Xenks