Bahodir Mirzayev Toshkent irrigatsiya va qishloq xo‘jaligini mexanizatsiyalash muhandislari instituti milliy tadqiqot universiteti rektori etib tayinlandi. Bu haqida “Huquqiy axborot” xabar berdi.

Ma’lum qilinishicha, tayinlov yuzasidan 24-yanvar kuni hukumat qarori qabul qilingan. U bunga qadar universitetning birinchi prorektori lavozimida ishlab kelayotgandi.
Eslatib o‘tamiz, oliygohning sobiq rektori O‘ktam Umurzoqov 2021-yil 26-iyul kuni vafot etgan.

Ma’lumot o‘rnida, Toshkent irrigatsiya instituti universitetga aylantirilgan. Oliygohda gidroenergetika, irrigatsiya, kadastr va geoinformatika sohalari uchun muhandis kadrlar tayyorlanadi. Universitetning moliyaviy hamda boshqa strategik masalalarini hal qilish vakolati mazkur kengashga berilgan. Boshqaruv kengashiga bosh vazir o‘rinbosari – investitsiyalar va tashqi savdo vaziri Sardor Umurzoqov rahbarlik qiladi. 

• Toshkent
• rektor