31°
Kechasi 18°
Yo‘lovchilarga ko‘rsatilayotgan transport xizmatlari sifatini oshirish va aholining transportga bo‘lgan talabini inobatga olgan holda, 2025-yil 1-iyul kunidan boshlab “Toshshahartransxizmat” AJ tarkibidagi “Toshavtobustrans” MChJ tomonidan 1226-sonli “Mashinasozlar” metrosi (Toshkent) - Chorbog‘ (Humson qo‘rg‘oni)” avtobus yo‘nalishida xizmat ko‘rsatish yo‘lga qo‘yiladi. Bu haqda “Toshshahartransxizmat” AJ axborot xizmati xabar berdi.
Yo‘nalishga MAN RR3 rusumli turistik avtobuslar biriktiriladi. Ushbu avtobuslar 47 ta o‘rindiqli, shinam va konditsionerlar bilan jihozlangan. Yo‘nalishda yo‘l kira narxi 25 ming so‘mni tashkil etadi. Birinchi qatnov “Mashinasozlar” metrosi bekatidan har kuni soat 6:00 da boshlanadi. Qatnovlar har 1,5 soatda amalga oshiriladi. Qatnov vaqti 1 soat 30 daqiqani tashkil etadi. So‘nggi qatnov soat 20:30 da Chorbog‘ tomondan amalga oshiriladi va soat 22:00 da “Mashinasozlar” metrosida tugatiladi.
Yo‘nalishdagi avtobuslar o‘z harakatini “Mashinasozlar” metrosidan boshlab, Mahtumquli ko‘chasi, Yangi O‘zbekiston bog‘i, Xojikent mavzesi, Chinorkent maskani orqali Humson qo‘rg‘onigacha harakatlanadi.
Yo‘nalishda naqd pulda va bank kartalari orqali to‘lov amalga oshirish imkoniyati mavjud.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
