O‘zbekiston Respublikasi Mudofaa vazirligi matbuot xizmati xabar berishicha, Toshkent shahrining Olmazor tumanida joylashgan “G‘alaba bog‘i” yodgorlik majmuasida Xotira va qadrlash kuniga munosib tayyorgarlik ko‘rish maqsadida uning tarkibidagi “Shon-sharaf” davlat muzeyiga yangi ekspozitsiyalarni joylashtirish hamda majmua hududida tozalash va dezinfeksiya ishlari olib borilishi rejalashtirilgan.

Shu munosabat bilan Mudofaa vazirligi huzuridagi “G‘alaba bog‘i” yodgorlik majmuasi ma’muriyati 6 – 8- may kunlari “G‘alaba bog‘i” yodgorlik majmuasi va uning tarkibidagi “Shon-sharaf” davlat muzeyiga kirish tashrif buyuruvchilar uchun vaqtinchalik to‘xtatilishini ma’lum qildi.

• G‘alaba bog‘i
• Toshkent