Toshkentda 55 yoshli erkak ko‘p qavatli uy “podyezd”ida 7 yoshli qizga tegajog‘lik qilgani haqida xabar berilgan edi. Mazkur holat yuzasidan kecha, 20-sentyabr kuni o‘tkazilgan sud majlisida ayblanuvchiga nisbatan 18 yil muddatga ozodlikdan mahrum qilish jazosi tayinlandi. Bu haqda Toshkent shahar sudlari axborot xizmati xabar berdi.

Voqea iyun oyida, Mirzo Ulug‘bek tumanida sodir bo‘lgan. Erkak qizning ketidan “podyezd”ga kirib, uni qo‘rqitib, intim xarakterdagi harakatlarni sodir eta boshlagan. Ushbu hujum uy aholisi tomonidan o‘rnatilgan kameralar tomonidan qayd etilgan.

Qiz bo‘lgan voqeani darhol ota-onasiga aytib berib, ular zudlik bilan huquq-tartibot idoralariga murojaat qilgan. Erkak 24 soat ichida hibsga olingan. Ma’lum bo‘lishicha, u ilgari voyaga yetmaganlarga nisbatan uyatsiz xatti-harakatlari uchun jinoiy javobgarlikka tortilgan.

Ma’lumotlarga ko‘ra, 20-sentabr kuni Jinoyat ishlari bo‘yicha Mirzo Ulug‘bek tumani sudi 1968-yilda tug‘ilgan ushbu erkak – X.A.ni Jinoyat kodeksining 119-moddasi (jinsiy ehtiyojni zo‘rlik ishlatib g‘ayritabiiy usulda qondirish) 4-qismida nazarda tutilgan jinoyatni sodir etganlikda aybdor deb topib, 18 yilga ozodlikdan mahrum qildi.

• Jinoyat
• Sud
• Toshkent