Toshkentda joriy yilning 1-apreliga qadar ko‘p funksiyali ipoteka markazi tashkil etiladi. Bu haqda shahar hokimligining tegishli qarori qabul qilingan.

Mazkur markaz “Texnopark” MChJ balansida bo‘lgan bino negizida tashkil etiladi hamda ipoteka xizmatlarini ko‘rsatish bilan shug‘ullanadi.

Shuningdek, ipoteka markazida:

– Toshkent shahrida qurilayotgan ko‘p kvartirali uylar, kvartiralar soni, maydoni, qiymati va joylashuvi, ipoteka kreditlari olish mumkin bo‘lgan tijorat banklari, ipoteka kreditlarining shartlari to‘g‘risidagi maʼlumotlar taqdim etish;

– subsidiya taqdim etish to‘g‘risidagi xabarnomalarni berish, uy-joy oldi-sotdisi va ipoteka krediti shartnomalarini rasmiylashtirish, uy-joyga bo‘lgan huquqni davlat ro‘yxatidan o‘tkazish xizmatlari ko‘rsatish;

– bo‘sh ish o‘rinlari bo‘yicha ish qidiruvchilarga maʼlumotlarni taqdim etib borish;

– Toshkent shahrida elektron onlayn auksion savdolariga qo‘yilgan bo‘sh yer maydonlari va davlat mulki obyektlari bo‘yicha maʼlumotlarni taqdim etish va sotib olishga ariza topshirishga ko‘maklashish xizmatlari ko‘rsatish orqali aholiga har tomonlama va sifatli xizmatlar ko‘rsatiladi.

• Hokimlik
• Ipoteka
• Ortiqxo‘jayev
• Toshkent