Ijtimoiy tarmoqlarda Toshkent shahrida joylashgan Sa’di Sirojiddinov nomidagi akademik litseyda informatika fani o‘qituvchisi o‘quvchining yuz qismiga musht tushirib, uni kaltaklagani aks etgan video tarqaldi. Holat yuzasidan Bolalar ombudsmani ma’lumot berdi.

Ushbu voqea joriy yilning 16-may kuni Chilonzor tumanidagi tabiiy va aniq fanlarga ixtisoslashtirilgan Sa’di Sirojiddinov nomidagi Respublika akademik litseyida sodir bo‘lgan. 2007-yilda tug‘ilgan J.M. ismli o‘quvchi fanga tayyorgarlik ko‘rmagan. 1997-yilda tug‘ilgan M.A. ismli o‘qituvchi bir necha bor ogohlantirsa-da, J.M. tartibga kelmagan. Shundan so‘ng, o‘zaro kelishmovchilik kelib chiqib, o‘qituvchi o‘quvchining yuz qismiga qo‘li bilan qattiq urgan.

Qayd etilishicha, hozirda holat bo‘yicha tergovga qadar tekshiruv harakatlari olib borilmoqda.

• Ombudsman