Oʻzbekiston va Turkmaniston oʻrtasida gaz yetkazib berish boʻyicha qisqa muddatli shartnoma imzolandi. Bu haqda Energetika vaziri Joʻrabek Mirzamahmudov Turkmaniston davlat portaliga bergan intervyusida ma’lum qildi.

Vazirning soʻzlariga koʻra, mamlakat yiliga 2 milliard kub metrgacha turkman gazini oladi.

“Tabiiy gaz O‘zbekistonning ichki ehtiyojlari uchun ishlatiladi va ortib borayotgan talabni qondirishga xizmat qiladi”,–  dedi Mirzamahmudov.

Tomonlar, shuningdek, yetkazib berish hajmini oshirish bilan uzoq muddatli shartnomani ishlab chiqish, elektr energiyasini uchinchi davlatlarga yetkazib berish va tranzit qilish, neft mahsulotlarini yetkazib berish va qo‘shma loyihalarni amalga oshirish sohasida o‘zaro hamkorlik masalalarini ham muhokama qildilar.

• Gaz
• Tranzit
• Turkmaniston