Sayohat ixlosmandlari orasida mashhur bo‘lgan CNN Travel portali butun dunyodagi eng yaxshi 50 ta non turini taqdim etdi.

Nashrning ma’lum qilishicha, O‘zbekistonda non pishirish san’at darajasiga ko‘tarilgan – an’anaviy tandirlarda yumaloq, burama, aylana naqshlar va muhrlar bilan bezatilgan nonlar tayyorlanadi.

“O‘zbekiston nonlari hududlarga qarab farq qiladi: Toshkent noni chaynashga yengil, yumshoq bo‘lsa, Samarqand noni ustiga qora sedana urug‘lari sepiladi”, – deb yozadi portal.

Nonlar tandirdan chiqarilishi bilanoq bozor va qahvaxonalarga velosipedda issiq non tashiydigan yetkazib beruvchilar qo‘liga topshiriladi.

Dunyodagi eng yaxshi 50 ta non:

– Bolani – Afg‘oniston;

– Lavash – Armaniston;

– Damper non – Avstraliya;

– Luchi – Bangladesh;

– Pão de queijo – Braziliya;

– Monreal begeli – Kanada;

– Marraqueta — Chili;

– Shaobing – Xitoy;

– Pan Cubano (Kuba noni) – Kuba;

– Libba – Misr;

– Pupusa – Salvador;

– Ijera – Efiopiya;

– Baguette – Fransiya;

– Xachapuri – Gruziya;

– Pumpernickel – Germaniya;

– Pai bao – Gonkong;

– Dökkt rúgbrauð – Islandiya;

– Paratha – Hindiston;

– Roti gambang – Indoneziya;

– Sangak – Eron;

– Soda non – Irlandiya;

– Challah – Isroil;

– Ciabatta – Italiya;

– Bammi non – Yamayka;

– Kare pan – Yaponiya;

– Tabun noni – Urdun;

– Roti canai – Malayziya;

– Ħobż tal-Malti – Malta;

– Tortillas – Meksika;

– Xobz kesra – Marokash;

– Fry bread – Navaxo millati (AQSh hududi);

– Tijgerbrood – Niderlandiya;

– Rēwena parāoa – Yangi Zelandiya;

– Lefse – Norvegiya;

– Podplomyk – Polsha;

– Broa de milho – Portugaliya;

– Karavay – Rossiya;

– Pane carasau – Sardiniya (Italiya hududi);

– Proja – Serbiya;

– Geran-ppang – Janubiy Koreya;

– Appam – Shri-Lanka;

– Kisra – Sudan va Janubiy Sudan;

– Limpa noni – Shvetsiya;

– Balep korkun – Tibet;

– Simit – Turkiya;

– Krampet – Birlashgan Qirollik (Buyuk Britaniya);

– Biskuit – Amerika Qo‘shma Shtatlari;

– Non – O‘zbekiston;

– Arepa – Venesuela;

– Malavach – Yaman.

• Non
• reyting