Bu haqda Isroil bosh vaziri idorasi ma’lum qildi.

“XAMAS tomonidan sulh buzilgani munosabati bilan bosh vazir Binyamin Netanyaxu mudofaa vaziri va kuch tuzilmalarining rahbarlari bilan maslahatlashuv o‘tkazdi hamda G‘azo sektoridagi terrorchilik nishonlariga kuchli zarbalar berishni buyurdi”, – deyiladi bayonotda.

Isroil armiyasi (SAXAL) esa “o‘t ochishni to‘xtatish rejimining ochiq buzilishiga javoban” G‘azo sektoridagi XAMASga tegishli obyektlarga zarbalar berishni boshlaganini ma’lum qilgan.

Isroil, shuningdek, bi keskinlik fonida G‘azo sektoriga gumanitar yordam yetkazishni ham to‘xtatib qo‘ydi. Axios nashri jurnalisti Barak Ravidning ma’lum qilishicha, Binyamin Netanyaxu G‘azo sektoridagi barcha chegara o‘tish punktlarini yopishga buyruq bergan.

Isroil armiyasi so‘nggi 10 soatda G‘azo sektoridagi o‘nlab nishonlarga zarbalar berilganini va bunda 120 dan ortiq o‘q-dorilar qo‘llanilganini ma’lum qildi.

Ynet portalining yozishicha, Isroil armiyasi G‘azo sektoridagi ilgari tirik garovdagilar bo‘lgani sababli o‘qqa tutilmagan hududlarga ham zarbalar bergan.

• Binyamin Netanyaxu
• Falastin
• Havo hujumi
• Isroil