Ukraina prezidenti Vladimir Zelenskiy hozir Rossiya bilan muzokara qilish vaqti emasligi haqidagi pozitsiyasini yana bir bor tasdiqladi. U har qanday g‘arb yetakchilari unga bosim o‘tkazayotganini ham rad etdi.

Yevrokomissiya prezidenti Ursula fon der Leyen shanba kuni Kiyevga kelasi hafta Ukrainani YeIga a’zo bo‘lishi haqidagi hisobot oldidan tashrif buyurdi. Uning so‘zlariga ko‘ra, Yevropa Ittifoqi Ukrainaning yonida qancha kerak bo‘lsa, shuncha birga bo‘ladi. Shuningdek, Ukraina Yevropa Ittifoqga a’zo bo‘lish bilan “ajoyib muvaffaqiyatga erishadi”.

Ukraina shanba kuni Qrimning Kerch port shahridagi Rossiya kemasozlik zavodiga hujum qilib, bir kemaga zarar yetkazdi, deb xabar qildi Rossiya mudofaa vazirligi. Otilgan 15 ta raketaning 13 tasi havoda yo‘q qilingan, bittasi esa kemaga tegib ketgan”, – deyiladi vazirlik xabarida. Ukraina rasmiysining aytishicha, Rossiya harbiy-dengiz kuchlari u yerda eng zamonaviy kemalarini joylashtirgan.

• Putin
• Qrim
• Rossiya
• Ukraina
• Yevroittifoq
• Zelenskiy
• bomba