Yevropa Komissiyasi prezidenti Ursula fon der Leyen Yevropa Ittifoqi davlatlarini Ukrainaga tezda qurol yetkazib berishga chaqirdi. Bu haqida Bild am Sonntag nashri xabar bermoqda. 

“Buni uddalay oladigan Yevropa Ittifoqiga a’zo barcha davlatlar Ukrainaga qurol-yarog'ni tezda yetkazib berishlari kerak. Shundagina u qiyin mudofaa kurashi shartlariga dosh bera oladi”, - deydi fon der Leyen. 

Uning fikricha, qurol yetkazib berish Ukrainadagi inqirozda hal qiluvchi rol o‘ynashi mumkin.

Qayd etilishicha, Yevropa diplomatiyasi rahbari Xosep Borrel Yevropa Ittifoqi tashqi ishlar vazirlari Ukrainaga harbiy yordam ko‘rsatish masalasida kelishib olgani va uni oshirish niyatida ekani haqida ma’lum qilgan. 

Shuningdek, Ukraina prezidenti devoni rahbari maslahatchisi Mixail Podolyakning aytishicha, Yevropa Kiyev so‘ragan qurollarni yetkazib bermayapti. Bundan tashqari, uning fikricha, yetkazib berish uzoq vaqt davomida amalga oshiriladi. 

• Qurol
• Rossiya
• Ukraina
• Yevroittifoq
• Yevrokomissiya