“Uyda yolgʻiz” filmi suratga olingan mashhur uy birinchi marta ijaraga beriladi. Bu haqidagi eʼlon Kevin Makkallisterning akasi Bazz Makkallister nomidan “Airbnb” saytiga joylashtirilgan.

Uy Chikago hududida joylashgan boʻlib, uning ichida ikkita yotoqxona, Wi-Fi, televizor hamda kamin bor. Uyning ikkita xonasi Yangi yil uslubida bezatilgan. Mashhur uyni faqatgina 1 kun – 12-dekabr sanasi uchun ijaraga olsa boʻladi. Mehmonlarni filmda Bazz rolini ijro etgan aktyor Devin Retrey kutib oladi.

Uyni ijaraga olgan mehmonlarga “Kevinning shoʻxliklarini takrorlash” va “Chikagodagi eng yaxshi pitsa”ni tatib koʻrish taklif qilinmoqda. Mehmonlar aynan shu kuni taniqli filmning qaytadan suratga olingan versiyasini tomosha qilishlari mumkin.

Uy ijarasidan tushgan mablagʻ Chikagodagi “La Rabida” bolalar kasalxonasiga xayriya qilinadi

• qiziqarli
• sayohat