“Sandbox” metakoinotida videooʻyindan olingan virtual yaxta tokeni 650 000 AQSh dollari evaziga sotildi.
“Metaflower Super Mega Yacht” deb nom olgan yaxta NFT-token koʻrinishiga keltirilgan va rekord darajadagi summa – 149 efir (kriptovalyuta turi) evaziga sotilgan. Bu oʻrtacha 650 000 AQSh dollarini tashkil qiladi.
Karton modelga oʻxshash yaxta didjeylar budkasi, vertolyotlar qoʻnishi uchun moʻljallangan ikkita maydoncha, jakuzi va boshqa koʻplab qulayliklarga ega.
Yaxtani qayta sotish orqali pul ishlash imkoniyati hozircha mavjud emas. Sahifadagi maʼlumotlarga koʻra, uni sotib olish uchun ikkita ariza kelib tushgan, xolos. Xaridorlar token uchun 0,6 va 0,8 efir – 2,8 va 3,8 ming dollar taklif qilishgan.
“Sandbox” – ishtirokchilar turli oʻyin kontentlarini yaratish, xarid qilish, tajribalarini sotish imkoniyatiga ega boʻlgan virtual olam. Bu yerdagi savdo-sotiq obyekti NFT – almashtirish imkoniyati mavjud boʻlmagan tokenlar hisoblanadi. NFT larning har biri identifikatsiyalangan noyob kodga ega boʻlib, ulardan nusxa olish mumkin emas.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!