O‘zbekiston tashqi ishlar vaziri vazifasini bajaruvchi Vladimir Norov Toshkentda o‘tkazilayotgan Afg‘oniston bo‘yicha xalqaro konferensiyadagi ma’ruzasida Afg‘onistonning xorijdagi moliyaviy aktivlariga qo‘yilgan cheklovlarni olib tashlashning qanchalik muhim ekanligini ta’kidladi.

“Afg‘onistonning xorijdagi moliyaviy aktivlariga qo‘yilgan cheklovlarning olib tashlanishi afg‘on iqtisodiyotini tiklash, muhim infratuzilma loyihalarini amalga oshirish hamda bugungi kunda ushbu do‘st mamlakat xalqi oldida turgan o‘tkir ijtimoiy muammolarni hal etishning asosiy omillaridan biridir”, – deydi Vladimir Norov.

Ma’lumot uchun, bugun 26-iyul kuni Toshkent shahrida “Afg‘oniston: Xavfsizlik va iqtisodiy rivojlanish” Toshkent xalqaro konfrensiyasi bo‘lib o‘tmoqda. Unda O‘zbekiston hukumatidan Tashqi ishlar vaziri v.b. Vladimir Norov va O‘zbekiston Respublikasi Prezidentining tashqi siyosat masalalari bo‘yicha maxsus vakili Abdulaziz Kamilov hamda b.lar qatnashmoqda.

• Afg‘oniston
• Konferensiya
• Tashkent city
• Vladimir Norov