Amerikaning “Walt Disney” kompaniyasi Rossiya bozorini tark etishi ortidan bir chorakda 195 million AQSh dollari miqdorida zarar koʻrdi. Kompaniya bu haqida daromad hisobotlari orqali maʼlum qildi.

“Walt Disney” kompaniyasi Rossiyadagi “Disney” kanali bilan bogʻliq nomoddiy aktivlarning qadrsizlanishi tufayli jami 195 million AQSh dollari miqdoridagi xarajatlarni qayd etdi”, deyiladi hisobotda.

Eslatib oʻtamiz, “The Walt Disney” kompaniyasi joriy yilning 11-mart kuni Rossiyadagi faoliyatini toʻxtatishi, maxsus litsenziyaga ega mahsulotlar va kontentlar, “National Geographic”, “Disney Cruise Lin” jurnallari, “Disney” kanali faoliyatini toʻxtatilganini maʼlum qilgandi.

Kompaniya 1-mart kunidan boshlab oʻz filmlarini RF ga yetkazib berishni ham vaqtincha toʻxtatgan. Maʼlumot uchun, “The Walt Disney” kompaniyasi “Pixar”, “Marvel Studios”, “Lucasfilm”, “20th Century Studios” studiyalariga egalik qiladi.

• Kino
• Madaniyat
• Rossiya
• San’at