Xalqaro Kann kinofestivaliga tarixda ilk marta ayol ishi prezident etib saylandi. Tashkilotchilar bir necha soat davom etgan qizgʻin debatdan keyin yangi prezident ismini oʻqib eshittirishgan. Festival tashkilotchilari “Warner Media” kompaniyasining Germaniya va Fransiyadagi sobiq rahbari Ayris Knoblox nomzodini prezidentlikka munosib deb topganlar.

Ayris Knoblox oʻz ishini 2022-yilning 1-iyul kunidan boshlaydi va prezidentlik lavozimida kelgusi 3 yil davomida faoliyat olib boradi. Tashkilotchilar festival prezidenti yashirin ovoz berish yoʻli bilan saylanganini aytib oʻtishgan.

“Men Kann kinofestivali kabi xalqaro ahamiyatga ega tadbirning dunyo madaniy hayotini saqlash va uni rivojlantirish kaliti boʻlib qolishi uchun bor imkoniyatimni ishga solaman”, dedi Knoblox.

Festivalning yangi prezidenti “Warner Media” kompaniyasida 25 yil davomida ish olib borgan, 2021-yilning iyun oyida esa faoliyatini yakunlagan. Isteʼfoga chiqishidan avval kompaniya vakili sifatida Frantsiya, Benilyuks, Germaniya, Avstriya va Shveytsariyada faoliyat yuritgan.

• Madaniyat
• San’at
• mashhurlar
• qiziqarli