Qirolicha Yelizaveta II ning dafn marosimini televideniye orqali translyatsiya qilgan 8 nafar rejissyordan iborat jamoa Britaniya kino va televizion san’at akademiyasining BAFTA mukofotini qo‘lga kiritdi. Ijodkorlar guruhi bir emas, ikki nominatsiya – “Eng yaxshi rejissyorlar jamoasi” va “Eng yaxshi ovoz” yo‘nalishlari bo‘yicha mukofotga munosib deb topilgan.

BAFTA mukofotini “Eng yaxshi pardoz”, “Eng yaxshi maxsus effektlar” yo‘nalishlarida “Ajdaho uyi” seriali qo‘lga kiritgan. “Og‘riqli bo‘ladi” komedik seriali esa eng yaxshi aktyorlar jamoasi, stsenariy va montaj ishlari yo‘nalishida mukofot g‘olibiga aylangan.

BAFTA mukofotining asosiy – “Eng yaxshi serial”, “Eng yaxshi erkak roli” va “Eng yaxshi ayol roli” nominatsiyalari bo‘yicha g‘oliblari 14-may kuni aniqlanadi.

• Buyuk Britaniya
• Jahon
• Kino
• Madaniyat
• Mukofot
• Qirolicha
• Yelizaveta II
• mashhurlar