Kataloniyaliklar murabbiyi Yevropa ligasida ishtirok etishi haqida gapirdi.

“Barselona”ni boshqarayotgan 42 yoshli ispaniyalik mutaxassis Xavi Kataloniya klubining Chempionlar ligasidagi natijalarini guruh bosqichi yakunida “Viktoriya Plzen” bilan mehmondagi o‘yinni (4:2) sarhisob qildi.

“Chempionlar ligasi guruh bosqichidagi ishimizga baho? Salbiy. Pley-offga chiqish uchun imkoniyatlarimiz bor edi, hammasi o‘zimizga bog'liq edi, ammo muvaffaqiyatsizlikka uchradik, o‘z imkoniyatlarimizdan foydalana olmadik. Endi biz Yevropa ligasida favoritmiz – bu ajoyib musobaqa va biz unda g‘alaba uchun kurashamiz.

“Viktoriya” bilan uchrashuvning birinchi bo‘limida o‘yinimiz menga yoqdi. Biroq, biz juda ko‘p golli vaziyatlarni qo‘ldan boy beryapmiz. Himoyada biz uchun odatdagidan qiyinroq bo‘ldi. Hujumdagi o‘yinimizni yaxshi baholash mumkin”, – deya Xavining so'zlaridan iqtibos keltirmoqda UEFA matbuot xizmati turnirning rasmiy saytida.

Eslatib o‘tamiz, olti o‘yinda yetti ochko jamg‘argan “Barselona” “C” guruhida uchinchi o‘rinni egalladi. “Inter” (10) va “Bavariya” (18) oldinda edi. “Viktoriya” birorta ham ochko ololmadi.

• Barselona
• Futbol
• Xavi
• Yevropa Ligasi